Слово о погибели Русской земли (текст)

Материал из свободной русской энциклопедии «Традиция»
Перейти к: навигация, поиск

Слово о погибели Русской земли



Автор:
Неизвестный автор




Дата написания:
XIII век






Предмет:
Монгольское нашествие на Русь
О тексте:
«Слово о погибели Русской земли» — памятник древнерусской литературы, относимый к 13 веку. Обретён в конце 19 столетия, опубликован в середине 20 века. Текст приводится по сайту петербургского историка, профессора Ю. К. Бегунова, там же есть его перевод (http://begunov.spb.ru/index.php?option=com_content&task=view&id=368). Учёный заметил, что текст можно разделить на ритмические группы (стихи), этот вариант есть на http://www.portal-slovo.ru/history/35616.php.)

Слово о погибели Рускыя земли по смерти великого князя Ярослава


О светло светлая и украсно украшена земля Руськая! И многыми красотами удивлена еси: озеры многыми, удивлена еси реками и кладязьми месточестьными, горами крутыми, холми высокыми, дубровами частыми, польми дивными, зверьми разноличьными, птицами бещислеными, городы великыми, селы дивными, винограды обителными, домы церковьными, и князьми грозными, бояры честными, вельможами многами — всего еси испольнена земля Руская, о прававерьная вера християньская!

Отселе до угор и до ляхов, до чахов, от чахов до ятвязи, и от ятвязи до литвы, до немець, от немець до корелы, от корелы до Устьюга, где тамо бяху тоймичи погании и за Дышючим морем, от моря до болгар, от болгар до буртас, от буртас до чермис, от чермис до моръдви, — то все покорено было богом крестияньскому языку поганьскыя страны: великому князю Всеволоду, отцю его Юрью, князю кыевьскому, деду его Володимеру и Манамаху, которым то половьци дети своя полошаху в колыбели. А литва из болота на свет не выникываху. А угры твердяху каменыи городы железными вороты, абы на них великыи Володимер тамо не възехал. А немци радовахуся, далече будуче за синим морем. Буртаси, черемиси, веда и моръдва бортьничаху на князя великого Володимера. И кюр Мануил Цесарегородскыи опас имея, поне и великыя дары посылаша к нему, абы под ним великыи князь Володимер Цесарягорода не взял.

А в ты дни болезнь крестияном от великаго Ярослава, и до Володимера, и до ныняшняго Ярослава, и до брата его Юрья, князя Володимерьскаго.